Rydym
yn cadw amrywiaeth eang o bwdinau a chynnyrch melys at ddant ac anghenion
pawb…
Rydym yn cadw
pwdinau traddodiadol parod megis y pwdin taffi gludiog enwog o Siop
Bentref Cartmel yng Nghumbria, sy’n cael ei goginio gartref
gyda dim ond cynhwysion naturiol. Mae bolgwn megis Anthony Worral
Thompson a Nigella Lawson yn gwirioni arno.
Am rywbeth nes
at gartref, pan na flaswch chi derîn siocled eithriadol o gyfoethog
Patchwork o Ruthun? Yn enwocach am eu patés cartref (mae gennym
ddewis eang ohonynt yn Siop Fferm Glasfryn), mae Patchwork wedi ymestyn
eu harbenigrwydd i greu’r terînau siocled mwyaf moethus.
Bydd tafell denau o unrhyw un o’r terînau unigryw ar blât
gyda llond llwy o fafon, talp hael o crême fraiche ac ychydig
o siwgr eisin yn creu argraff ar unrhyw un a ddaw i swper.
Os yw cyfyngderau
diet yn eich diflasu, mae gennym gacennau cyfoethog traddodiadol Mrs
Crimble, sydd heb wenith, gluten, wy ac sydd hefyd yn isel mewn braster
ond heb gyfaddawdu ar flas - yn ffefryn gyda’n cwsmeriaid i
gyd!
Mae ein dewis
yn ymestyn i sawsiau siocled tew a chyfoethog, danteithion ar ôl
cinio, pastai ceirios cartref dwfn, hufen iâ organig a sorbet
ffrwythau’r haf - mae gormod o ddewis!
