Cael
bwffe, parti, picnic, noson i mewn gyda ffilm neu soirée caws
a gwin cartrefol?
Yma yn Siop fferm
Glasfryn rydym yn deall sut gallai’r dewis iawn o fyrbryd neu
damaid bach ychwanegu’r rhywbeth prin hwnnw at achlysur, pan
ydych mewn criw neu ddim ond dau ohonch.
Mae gennym ddewis
o fyrbrydau ar gyfer unrhyw amser o’r dydd a’r flwyddyn
ac ar gyfer unrhyw achlysur - gallwn sicrhau eich bod yn rhoi’r
croeso cynhesaf posibl i’ch gwesteion.
Cewch hen ffefrynnau
ar ein silffoedd megis cymysgedd Bombay bras a blasus, pop corn organig
perffaith ar gyfer ffilm a chreision - ond nid unrhyw hen greision
chwaith!
Mae sglodion tatws
Tyrrell yn cael eu ffrio gyda llaw ar y diwrnod y codir y tatws ac
maen nhw’n gyfan gwbl naturiol. Byddwch yn gallu blasu eu hansawdd
a’u hamrywiaeth profoclyd - o Fefus a Gwin Gwyn i Fananas a
Sinamon ac Afal, Chili Jalapeno sbeislyd a Lemon!
Mae basgedi gwiail
yn llawn o Sglodion Kettle wedi’u ffrio â llaw mewn bagiau
ffoil mawr yn ffefryn arall yn ein siop - maint delfrydol ar gyfer
rhannu. Fe’i gelwir yn ‘Natural Obsession’ ac mae
cynhwysion Sglodion Kettle yn rhai naturiol heb ddim artiffisial i
gynyddu blas. Mae eu blasau egsotig yn ymestyn o Mango Chili, Iogwrt
a Nionod Gwyrdd a Salsa gyda Mesquite hyd at gynnyrch tymhorol arbennig
megis Mozzarella Byfflo, Tomato a Basil.
Mae’n dewis
o sglodion wedi’u coginio a byrbrydau mewn bagiau hefyd yn cynnwys
rhai arbennig iawn megis Creision Pipers arobryn gyda Halen Môn,
bara Pitta blawd cyflawn, Kettle Crispy Bakes a’r danteithfwyd
gwerinol Sglodion Llysieuol wedi’u Ffrio gyda Llaw.
I gyd-fynd â’r
creision a sglodion blasus, mae gennym ddewis o salsas, relish a dipiau
at bob chwaeth i dynnu dwr o’r dannedd - os ydych yn frwdfrydig
dros Dip Caws Glas Tew a Hufennog, yn ymroddedig i Salsa Poeth Pupur
Coch a Garlleg Rhost neu bod eich dant melys yn eich denu at Dip Nionod
cyfoethog a sbeislyd wedi’u Carmeleiddio.
Fel gyda’r
adrannau bwyd diddorol eraill yn Siop Fferm Glasfryn, mae ein dewis
o fyrbrydau, seigiau a chyrsiau cyntaf yn tyfu ac yn esblygu’n
barhaus, nid yn unig i gyd-fynd â gofyn ein cwsmeriaid ond hefyd
fel y byddwn yn darganfod bwydydd newydd diddorol wrth deithio, archwilio
a chysylltu â chynhyrchwyr a chyflenwyr cyffrous, newydd.
Cofiwch, os deuwch
ar draws bwydydd a danteithion newydd ar eich teithiau, galwch draw
i sôn wrthym ni amdanyn nhw!
Yn y cyfamser,
gobeithiwn y byddwch yn mwynhau ein dewis gourmet o fyrbrydau.
