Sefydlwyd Siop
Fferm Glasfryn yn 2001 i werthu cig eidion, cig oen a gêm yr
ystâd a phorc a chig moch Llyn yn uniongyrchol i’n cwsmeriaid
lleol.
Rydym yn ymfalchïo
hefyd ein bod yn gwerthu cynnyrch o ansawdd lleol ac o rannau eraill
o Gymru gan gynnwys prydau cartref traddodiadol sy’n defnyddio’n
cynhwysion gorau.
Rydym ar y terfyn
rhwng Llyn ac Eifionydd yng Ngogledd Cymru a byddwn yn prynu cymaint
â phosibl oddi wrth ffermwyr, cynhyrchwyr a chyflenwyr lleol.
Yn ogystal â
chynnig dewis eang o’r cigoedd gorau yn
lleol ac o’r cyfandir, llysiau, cynnyrch
cyfandirol, cynnyrch llaeth blasus
a chawsiau arbenigol, rydym hefyd yn gwerthu prydau
parod, pwdinau anodd eu maddau, jamiau a chyffeithiau, sgwpiau
hunan wasanaeth o ffrwythau a llysiau wedi’u rhewi’n gyflym,
siocledi a bisgedi moethus wedi’u
gwneud â llaw yng Nghymru, sawsiau a salsas sawrus a byrbrydau
danteithiol. Rydym hefyd yn cadw cynnyrch organig a chynnyrch Masnach
Deg yn ogystal â dewis o gynnyrch ‘Heb’ - heb gluten,
heb wenith a heb siwgr!
Y FFERM
Mae
Fferm Glasfryn Fawr yn hen ystâd. Mae yng nghysgod cadwyn o
dri mynydd yr Eifl, gyda golygfa ysblennydd dros Fae Ceredigion ac
mae’n cynnal bridiau da byw brodorol traddodiadol.
MILLTIROEDD
BWYD
Ydych
chi erioed wedi ystyried pa mor bell mae’ch bwyd wedi teithio?
Yn ystod y blynyddoedd
diwethaf cododd anfodlonrwydd cynyddol gydag ansawdd a diogelwch bwyd,
prisiau’n codi, diffyg dewis i’r cwsmer ac anghydraddoldeb
brawychus mewn dosbarthu bwyd. Mae cwsmeriaid wedi dechrau holi ynghylch
y ffordd mae’u bwyd yn cael ei gynhyrchu a pham mae’n
cael ei gludo ymhell mor aml ac yn ddiangen.
Mae teithio gormod
yn gallu achosi stres i anifeiliaid, sydd yn ei dro yn effeithio ar
ansawdd y cig. Mae’r ‘milltiroedd bwyd’ hefyd yn
ychwanegu at y problemau amgylcheddol cynyddol sy’n cael eu
hachosi gan lygredd trafniadaeth.
Mae Fferm Glasfryn
yn gallu gwarantu na fydd ei gig wedi teithio mwy na 80 o filltiroedd.
