Ni fyddai unrhyw
siop fferm yn gyflawn heb ddewis diddorol ac amrywiol o gynnyrch llaeth
blasus a maethlon – a dyw Siop Fferm Glasfryn ddim yn eithriad.
Wrth gwrs, byddai’n gywilydd i ni beidio gan nad ydym ond tafliad
carreg oddi wrth un o hufenfeydd gorau a mwyaf blaenllaw Cymru: Hufenfa
De Arfon. Ac nid hynny’n unig, mae Cymru’n byrlymu o gynhyrchwyr
caws sy’n cynnig dewis eang o gawsiau da ac rydym yn anelu at
gynnig y gorau i chi.
Rydym yn cadw’r
Caws Llyn enwog - caws aeddfed blasus, mae’n ffefryn cadarn
gyda’n cwsmeriaid. Dyma sylfaen ein dewis cyffrous a newidiol
o gawsiau o bob rhan o Gymru.
Ar ein cownter
deli daw cawsiau croen cwyr o’r Fenni, sy’n cosi’r
blas.
Mae Tintern, a
enwir ar ôl Abaty Tintern, yn gymysgedd o gaws Caer aeddfed
Cymreig a chennin syfi a sialóts ffres. Mae’n gaws hufennog,
llyfn sy’n dwysau blas y cennin syfi a sialots.
Yn yr un dewis
mae gennym gaws Harlech, sy’n gymysgedd o gaws Caer Cymreig
gyda rhuddygl wedi’i falu a phersli, mewn croen o gwyr oren.
Mae’n gaws llyfn sy’n llwyddo i gyfuno blas cryf y rhuddyglen
a’r persli ffres.
I orffen y cynnyrch
lliwgar yma mae gennym gaws y Fenni a St Illtyd, dau gaws bendigedig
arall – dewch draw i ddysgu rhagor amdanynt!
Cawn ddewis poblogaidd
iawn o gawsiau gyda blasau diddorol gan Gwmni Caws Eryri o Lanrwst.
Daw’r cawsiau Cymreig hyn ar ffurf cosynnau bach mewn cwyr lliwgar,
fersiwn fodern o’r cosyn caws traddodiadol mawr - perffaith
ar gyfer eich oergell! Mae’r dewis yn ymestyn o’r caws
Little Black Bomber hynod o aeddfed i’r Green Thunder gyda garlleg
a pherlysiau’r ardd a’r Amber Mist oren gyda diferyn o
chwisgi.
Yn y dyfodol gobeithiwn
ymestyn ein dewis o gynnyrch llaeth i gynnwys cawsiau hyd yn oed fwy
bendigedig o Gymru a thu hwnt - felly cadwch eich llygad ein cownter
Deli i weld y datblygiadau!
